مبقاش ممنوع
مبقاش_ممنوع
الشاعرة ،، سمراء النيل ايمان محمود
مبقاش ممنوع
مبقاش ممنوع اننا نبكي
ونفك سراح كل الاحزان
مبقاش ممنوع دمعنا ينشاف
ونفرق خوفنا علي القضبان
الوجع الساكن ف دروبنا
قاطع تذكرته وموش همه
ورصيف مزحوم ب البني آدمين
والسكة خلاص مبقتش امان
لساها الناس رايحة و جايه
راميين ف حمولهم ع الخلاق
والصورة دي كات لسه امبارح
بين حزن وبين دم وأشلاء
والمشهد دا كتير اتكرر
والقهر مخيم ع الاجواء
تفتكروا دا ممكن يتغير
ولا دي احلام وخيال ورجاء
خالص العزاء لكل فرد من شعب مصر