ضحكه من قلبك

ضحكه من قلبك 

مرة واحد راح يوكل محامى……. ‏لقاه صايم . 

ـ واحد رمى يمين الطلاق على مراته ‏ماجاش فيها . 

ـ كسلان دخل الامتحان وقع منه القلم . ‏سلم الورقة .

 

ـ مرة واحد باع اللي وراه واللي قدامه واشترى اللي جنبه .. 

ـ بقرة جالها جفاف نزلت نيدو .. 

ـ ليه الخشب يتيم ؟ ……..‏لأنه مقطوع من شجرة .. 

ـ مرة 5 ‏دخلوا كلية الهندسة اثنين طلعوا مهندسين وثلاثة طلعوا مدينة نصر . 

ـ واحد بلدياتنا كبر دماغه معرفش يخرجها من التي شرت . 

ـ عربية كحيانة صاحبها سابها قدام بيت مهجور….‏ليه ؟؟ ! ‏عاوزها تبقى عربية شبح . 

ـ مره واحد عداه العيب أخد اللي بعده . 

ـ واحد خلقه ضاق اداه لأخوه الصغير . 

ـ دبانة وقعت في إزازة وسكي طلعت تقول أوعى النسر . 

ـ واحد مشغول اتجوز واحدة مشغولة خلفوا ولد مش فاضيلهم .. 

ـ ‏مرة مدرس رياضيات خلف ولدين واستنتج التالت . 

ـ واحدة اتجوزت واحد شخصيته مهزوزة . ‏ركبت له أريل . 

ـ همبورجر وبيبسي و بطاطس بيجروا في الشارع تفتكر ليه ؟ …….. عشان وجبات سريعة . 

ـ مرة دكتور أسنان اشترى عود قصب لقاه مسوس حشاه . 

ـ خبير ارصاد جويه … ‏اتجوز وخلف بنتين الكبرى 27 ‏والصغرى 13 

ـ صعيدي جزمته اتقطعت خيطها وبعد أسبوع لقاها كويسه فك الخياطة 

ـ محشش لقي كنز قال : كويس فاضل الخريطة !! 

ـ ولد بيسأل أبوه : هي الحمير بتتجوز ؟ قاله : يا بني مبيتجوزش أصلاً في الزمن ده غير الحمير ولمؤاخذة .

 ـ واحدة سودة قوي ركبها عفريت حاولوا يطلعوه قالهم نفسي أطلع بس مش شايف . 

ـ واحدة بتقول لجوزها اطرد السواق كان حيموتني مرتين في حادثة قال لها خلينا نديه فرصة ثالثة …. 

ـ صعيدي قال لأبوه : رخصة السواجة خلصت يابوي قاله : من لفك في الشوارع طول النهار يا حمار . 

ـ مسطول صدم شرطي وموته راح متصل بـ122 وقالهم : أحب أبلغكم إنكم بقيتوا 121 . 

ـ صعيدي قال لأبوه أنا عاوز موبايل قاللوا موافق بس تركب أخواتك معاك . 

ـ محشش بيسأل محشش التعلب بيولد ولا بيبيض قاله التعلب مكار توقع منه أي حاجة . 

ـ صعيدي ربح مليون جنيه خافوا يبلغوه يموت مصدوم .. قال العمدة أنا أقوله ….. قال يا محمدين لو ربحت مليون جنية حتعمل بيهم إيه ؟ قاله : أديك نصهم … مات العمدة