اليقين بالله متعة
اليقين بالله متعة
من صفحات الاصدقاء
الست دي بتقول مافيش في البيت غير خمسة جنيه حطتها على الكنبة وقالت تروح الصبح تشتري بيها عيش .. وإن كان على الأكل يبقا يدبر بأي حاجة .. أنا عندي شوية بطاطس في البيت .. وهى بتقلب الأمور في راسها سمعت حد بيخبط على الباب .. فتحت الباب لقت جارتها بتقولها: البيت مافيهوش ولا قرش ألاقي معاكي خمسة جنيه سلف‼وبدون تردد قالت لجارتها: أيوة معايا يا حبيبتي .. لحظة واحدة أجيبهالك ودخلت جابت الخمسة جنيه بتاعة العيش وإديتها لجارتها ‼
ولما قفلت الباب 🤔
– إبنها قال لها: إيه يا أمي إللي عملتيه ده ‼ إنتي إديتي لجارتنا أم فلان الخمسة جنيه بتاعة العيش ‼
= ردت عليه وقالت له طبعاً يا ابني ماهى طلبتها وبتقول مافيش في البيت ولا قرش ‼
– طيب ما احنا برضوا مافيش في بيتنا ولا قرش ‼
= إحنا ربنا هيدبرهالنا وهيبعتلنا خمسة جنيه غيرها لكن هى لجأت لينا وخبطت على بابنا ومكانش ينفع نقولها مافيش .. إرمي حمولك علي ربنا ☝️
– طيب هيدبرها إزاي يا أمي ومنين ده الدنيا ليل واحنا في قرية وإنتي بتروحي الساعة ستة الصبح تجيبي العيش .. يبقا الفلوس هتيجي إزاي بس ومنين ‼
= ماتخافش يابني ربنا هيبعت
نامت السيدة مطمئنة وواثقة في ربنا ومتوكلة على الله تماماً .. وصحيت الساعة الخامسة الصبح وقالت صليت وقولت لربنا مافيش عيش في البيت خالص وكمان مافيش فلوس وأنا قولت للواد إن ربنا هيدبرها وأنا بروح الفرن الساعة ستة الصبح ودلوقتي الساعة خمسة ‼
بتقول: أنا قعدت أكلم ربنا وأقوله ارزقنى فلوس العيش 🤲 والساعة ستة بالظبط لقيت الباب بيخبط ولقيت جارة مابتجيش عندي خالص وخاصة في ساعة بدري زي دي ‼ وبتقولي سامحيني يا حبيبتي أنا نسيتك خالص 🤔
سألتها نسيتني إزاي ‼ قالتلي أصل بنتي اللي عايشة في الخليج ربنا رزقها بطفل وانتي عارفة انها مكانتش بتخلف وقالتلي من شهر فات وزعي خمسين جنيه 🔺️ على كل أرملة في البلد وأنا وزعت على الكل ونسيتك إنتي وإمبارح باليل ربنا فكرني بيكي ‼ فقولت لازم أجيلك الصبح وإدهالك .. سامحيني يا حبيبتي وخدي الخمسين جنيه دي ‼
دخلت السيدة وأغلقت الباب وقالت لربنا: أنا قولت للواد إنك هتدبرها .. بس قولت له إنك هتبعتلنا خمسة تبعتلنا خمسين جنيه ‼‼ التدبير منك يارب 🙏🙏🙏
الحسنة بعشر أمثالها .. صدق الله العظيم