نداء الى محافظ الدقهلية برهمتوش تموت عطشا
كتب عصام الجميل
اسماعيل الحبشي و محمود ابوزيد الحربي و يتضامن معهم حزب الوفد بالسنبلاوين ينشروا شعار برهمتوش تكاد تموت من العطش
التقطت عيون بوابة الاخبار نداء ينتشر علي صفحات التواصل الاجتماعي فيس بوك إلي محافظ الدقهلية
للتدخل لإنقاذ قرية برهمتوش مركز السنبلاوين من العطش حسب قولهم لكثرة انقطاع المياه
وهذه كلمات من اعداد محمود أبو زيد
برهمتوش عطشانة والناس فى شتا وصيف زهقانة ونقطة مياة طوق نجاة تساوى حياة وبتفرق كتير معانا لكن الظروف معندانا بنعيش حقيقى فى معاناة وبنمر بأكبر مأساة ومين ينقذناوياخد بأيدينا يا ولداه*
مع أن ترعة البوهية من وسط ارضينا معدية وفى البلد محطة مية لكن تبقى الحالة زى ماهيه والأوضاع متردية مشكلة حيوية فى حياتنا اليومية عاوزة حلول إيجابية*
ولا حد بيحرك ساكن الكل على جنب راكن وضع محزن والناس بتخزن فى جراكن مش عارف ايه اللى حصل بقى يضرب بينا المثل وازاى هنشرب ونغسل للدور الارضى لا تصل والمسئولين نايمين فى العسل والمواطن البسيط من استمرارالأزمة فصل ولا صوته لحد وصل*
مهما نقول ونعيد اصبح حلم وامل بعيدمن بعد أيام الصهاريج ولا بيجد فى حياتنا جديد وهذا السيناريو تهريج ولا فى حل وحيد يخلى ضغط المية يزيد ونتبع سياسة الترشيد*
واناشد السيد المحافظ الوزير صاحب المواقف والقلب الكبير بتبنى هذا الملف الشائك والخطير وإيجاد حلول جذرية لتفاقم أزمة انقطاع المية بصفة دورية فى برهمتوش والعنانية
