يا وطن لملم دموعك اللي بيك شده وتزول محتاجين نصبر شويه واللي يصبر لازم ينول والحكايه مش م. النهارده إسمعوني هاشرح واقول …………… من زمان والكل عارف إن مصر شيء عظيم من زمان العين عليها نظره من حاسد لئيم مليون محاوله لإزلالها فشلت محميه من رحمن رحيم ………….. وآيا أيام الفراعنه كانت حكاية الهكسوس قائد إسمه أحمس يقولها علشان بلادي تموت نفوس واللي يجينا علي مصر غازي نفرمه فرم في أدوس . ……………. التتار لما جالها كان مخلي الدنيا نار لما شاف قوة ولادها راح مقدم إعتذار خليناه يندم ويعرف إزاي يكون الإنتصار ………….. لما كل الدنيا قامت ع.القدس لبا صلاح الدين هوه كان مش مصري لكن فيها شاف الطيبين وانتصر وبسرعه نادى الكل فيها آمنين ………….. حجر رشيد يشهد ويحكي علي نضال شعبه الجميل حمله كانت فرنسيه لكن إحنا بردو ولاد النيل مات كليبر ومينو أسلم والباقي لسه موال طويل . …………. الإنجليز فتره طويله نهايتها كانت ثوره لشعب ضباط ولادك أحرار تقرر قد التحدي أو أي صعب الإنجليز داقوا الهزيمه بعد أما شافوا م.الشعب رعب …………… مش هقول واحكي علي اكتوبر ولا كذبه كان إسمها بارليف المصري أبداً ما يعيش بناره ياخد بتاره ويعيش نضيف يا مصر دايماً هتكون ولادك يا غاليه ليكي (درعاً…وسيف) . …………. يا بلدي إنتي شفتي الكتير وف كل عصر كان فيه رجال رافضين هزيمتك دايماً يا بلدي ويقولوا أبداً لأ محال واللي يخلي في عنيكي دمعه هتكون نهايته ولا في الخيال …………….
