قصيدة بعنوان ،، ابيض الشعر
،، ابيضّ الشعر ،،
الشاعر ،، على العشرى
وعدى العمر بسرعة وفات ،،
وانا طول عمرى
باكره الوقفة قدام مرايات ،،
أنا كنت صغير بالعب واجرى ،،
گان بتهيألى
أن هاعيش طول العمر بريء ،،
وما اشيلش الهم
ولاحتى الهم يعرف ليَّ طريق ،،
باتكلم جد ابيضّ الشعر،
أنا كنت قريِّب بانفخ بلالين ،
والعب فى الطين ،،
واعمل تماثيل على جسر الأرض ،،
وأوسخ نفسى وأمى تزعقلى ،،
وأطلع أجرى واقول حرمت ،،
باتكلم جد ابيضّ الشعر
أنا كنت باحب الليل وسكونه وهدوءه الحلو،
واستنى شروق الشمس يطلع بدرى ،،
علشان اطلع ألعب واجرى ،،
وأجيب كراستى وأخط الخط ،،
واكتب على سطر واسيب سطر
ما اعرفش ازاي
وكأنى فى حلم
وباقوم مفزوع
وباصبّر نفسى واقول أوهام
باتكلم جد ابيضّ الشعر
أنا يوم راجع وداخل على البيت ،،
ولقيت الشارع مليان أنوار ،،
والناس فرحانة وكمان بتزغرط ،،
وامى بتدعيلى وابويا بيحضنى ،،
وسمعت بودنى مبروك يا عريس ،،
باتكلم جد الشعر أبيضّ
انا كنت فى مرة قاعد فى الصالة
وندهلى حفيدى
وقال لى يا جدو إلعب ويايا
خادني وقفنى قدام مرايا ،،
الواد فرحان طالع بدورين
بس انا بصيت شكلى اتخضيت
ولقيت الشعر فوق راسي ابيضّ
باتكلم جد الشعر أبيض