طارق شوقي يحذر الأهالي من شراء كتب خارجية: “هتأذي أولادكم” …
طارق شوقي يحذر الأهالي من شراء كتب خارجية: “هتأذي أولادكم” … 
متابعة محمود المصري
قال الدكتور طارق شوقي، وزير التربية والتعليم، إن نظام التعليم الجديد ألغى نظام الامتحانات حتى الصف الرابع الابتدائي، متابعا: “علشان التلميذ ييجي مبسوط وييجي بيلعب”.
يعني
بلاش تشتري كتب خارجية لابنك اللي رايح كي جي١ أو كي جي٢ أو داخل أولى ابتدائي لأنها ملهاش علاقة بمناهج الوزارة وأي منهج خارجي متداول لا علاقة له بالمنهج الرسمي اللي هيدرسه الطالب ولَم تحصل على ترخيص ولا مراجعة من الوزارة.. الوزارة لغت المستوى الرفيع في مدارس اللغات لأن ابنك هيدرس كتاب الباقة المجمعة بالإنجليزي + مادة إنجليزي، ومش هينفع الطالب يدرس ٣ مواد إنجليزي.. طالب الثانوية العامة في النظام الجديد هيدرس ١٠ مواد تضاف للمجموع بس اللي هيمتحن فيه بالترم الأول مش هيمتحن فيه في الترم التاني.. هيمتحن ٤ مرات هياخد أعلى درجات امتحانين بس.. ولو سقط مفيش دور تاني وهيعيد السنة.. التقييم في الثانوية العامة الجديدة صورة طبق الأصل من التقييم في الجامعة.. بمعني إن تقديرك العام في الكلية بيتحسب على كل سنوات دراستك كلها.. هكذا هتكون الثانوية الجديدة هتدخل الجامعة بناء على درجاتك في امتحانات الثلاث سنوات علشان يكون قدامك أكتر من فرصة للتعويض.. حاجة أخيرة بخصوص إن مفيش امتحانات للطفل حتى الصف الرابع الابتدائي.. الوزير بيقول أنا مش عايز حاجة تعقد الطالب من صغره ولا حد يقوله انت فاشل وزميلك ناجح عايزينه يتعلم ازاي يكون بني آدم سوي يحترم الآخر ويحترم أسرته ويكون شخصيته وبيفهم وبيعرف أسس التعلم ويكون حابب المدرسة مش يصاب بعقدة الامتحانات من صغره.