حافظوا على رصيدكم

حافظوا على رصيدك

كتبت عالية الشيمي

الحب في العلاقات عموماً عامل زي رصيدك في البنك ..

كل اما هتسحب منه بحجة انك دايماً محتاج .. من غير ماتعمل ايداع في نفس الوقت هيجي عليه يوم ويتصفر ..

تيجي تسحب منه يقولك رصيدك الحالي لا يسمح…

لحد ما تعدي فترة ويتقفل الحساب … وتتلغي العلاقة ..

مهما كانت قوتها اللي انت كنت متخيل انها مش هتتأثر …

احنا ممكن نستحمل بعض كتير ..

ونضغط على بعض أكتر ..

مرة ..

اتنين ..

تلاتة ..

لكن ان يكون ده هو الحق المكتسب اللي اتفهم من تكوين العلاقة .. يبقى احنا كدة بنكتب نهاية علاقاتنا بإيدينا ..

احنا بشر … ولينا طاقة وقدرات محدودة على تحمل الضغوط ..

ممكن نتكيف مع الضغوط لفترة ونتعامل معاها ..

لكن لما بتزيد عن حدها .. بتكون ردود الأفعال مش مضمونة ..

حافظوا على علاقاتكم بالود والحب مش بالضغط بحجة اننا بنحب بعض وأكيد مش هنخسر بعض ..

خدوا بالكم لان الحياة أقصر من اننا نقضيها في علاقات بتسحب من رصيدنا في السعادة بالجملة …