تكميم الافواه .. كتبت لمياء ربيع يتبع القاده فى اى مكان فى هذه المرحله سياسه تكميم الافواه وليس معالجه المشاكل وحلها …. سياسه يا تكون معانا وتمجد وتمدح يا اما تسكت وتعمل نفسك مش شايف .. السياسه دى فى الغالب بتخسرك ناس كتير .. ناس بتؤمن بحريه الراى والتعبير … وناس ليها كيان و فكر … فى الغالب الناس الى بتتجمع حول القيادات دى ناس لاغيه كل فكرها ومنساقه زى القطيع علشان تكسب حته من التورته … تكسبك محبه الاسياد ولكن اصحاب الفكر والراى بيكونوا فى اضطهاد دائم وصراع قائم بين الطرفين …. تكميم الافواه جايز بيكسبك ناس بتعملهم مصالحهم وهما بيمدحوا فيك… لكن للاسف اكتر ناس بتعيب عليك علشان بتستغل سلطتك ونفوذك مش فكرك وشخصيتك كمان بتخسرك ناس لو كانوا وقفوا جنبك ودعموك كنت كسبت نفسك وكرامتك واحترام الناس ليك …. الناس الضعيفه الشخصيه هى الناس الوحيده الى بتلجاء للاسلوب ده علشان معندهاش القدره للمواجهه بالتغير على ارض الواقع معندهاش القدره تغير للافضل معندهاش المقدره انها تسمعك او حتى تسمع صوتك لان صوتك بيوجعهم .. بيحسههم انهم قليلين قوى قدام نفسهم والى حوليهم والغريب ان الكل شايف ده ..شايفك ضغيف . شايفك بتكمم افواه الى حوليك علشان عاجز عن تحقيق حلمهم واهدافهم … يمكن سياسه انك تسمع بتاخد وقت لكن كمان بتديك مكسب وافكار وحريه راى وانتاج… لكن تكميم الافواه بيخليك مستحوز على فكر وراى وفى الغالب بيكون فاشل لانه بيكون نفس تفكيرك … هانفضل كتير متاخرين علشان بنرفض حد يعنفنا .. حد يقولنا الغلط غلط مش الغلط صح . هانفضل كتير ورى قوى علشان بنكمم صوت الحريه والحق والكلمه الصح هانفضل كتير متاخرين علشان انتوا مش حابين تسمعوا غير فكركم وصوتكم الناس مش كتير بتفضل افواه مكممه بيجى وقت وبتخرج عن التكميم ده وبتنطلق . . بيجى وقت وبترفض الانسياق او حتى الغلط بتفضل بركان غضب ممكن ينفجر باى وقت وما يتوقع يوصل انفجاره لاى مستوى الناس الى بتتبع السياسه دى يوم ما تخرج من منصبها بتكون ولا حاجه ولا اى حاجه بتكون كيان مهمل لانها عملت ارضيه من ناس شبها … وقت ما بيخرج من قيادته هما بيكون فى صفوف الى بعده وحتى السيره الكويسه ليهم بيتكون زم … احنا مش هانغير واقع ناس كتير محدوده التفكير بتفكر بيه ولا كلامنا هايغير من شخصيات ضعيفه معندهاش راى او فكر تطبقه احنا بس بنحاول نقول ان تكميم الافواه بالسلب عليك مش بالايجاب وانت اول واحد بتخسر ……
