(بنتخبي)
(بنتخبي)
احلام خالد
من ديوان يقيد ضد مجهول
بنتخبي ورا جدران بيتنا
وبنخاف من المكتوب
بناخد ضربه ورا التانيه
وياريت بنتوب
مين غالب أو مغلوب
ما تفرقش في لعبه حقيره
بيجيلك صداع ووخز في قلبك
بتحس ب أعراض الموت
بيجري العمر بيك والوقت بيفوت
وأنت ضرير ماشي تلطش
بتبص حواليك بتلاقي الكل اختفي
بشكل مخيف بيظهرلك أعداء
وعندك ألف داء ومش لاقي الدوا
ولا حاطط إيدك علي العله
بتعاشر خلق بمية مله
صابك سهم الهوا يوم ما قولت حبيت
زرعت ورويت في أرض غير أرضك
خرجت من متاهه دخلت في متاهات
اشمعنا أنت بالذات يحصل ليك ده كله*
أنا سامعه صوت تنهيدة قلبك
وبكاه عالي هتعيش في جلد
الذات لأمتي،.
مش ذنبك إنك عاملت بطيبه
أرحم قلبك وقول شكرا
لكل الفترات
يا ما جالك إشارات
إني دول ما ينفعوش
لا لعشره ولا حتي تعامل
كنت فاكرهم وش واحد
وفجأه لقيتهم بوشوش
كنت تكدب إحساسك
وبكل سذاجه معاهم تتعامل
ده القرب منهم كان سرطان خامل
ولولا إني جات منهم وبعدوا
كان سرطانهم هينتشر
من رحمة ربنا عليك انه بيظهرلك
نواياهم من الأول *
كانوا بيقربوا منك لمصالح
وقلوبهم أصلا مع غيرك
أنا شفقانه عليك كتر خيرك
وعارفه إني كتير خذلوك
ياتري لسه باقي ولا هتجرب وتنسي
الدنيا كفيله تقويك
وربنا وحده يعينك علي طيبة قلبك
إللي ما جاش منها إلا عذابك
○○○○○○○○○○