اب باع وام اشترت

قصيدة بعنوان
اب باع وام اشترت

في دنيا كبيره خداعه
للقريب قبل الغريب بياعه
انا جايه النهاردة احكيلكم
من حكاويها حكايه
حكايتنا عن اب باع وام اشترت
وناس قسيت وياما افترت
في دنيا كبيره تواهه
ماشيه فيها وكاني في متاهة
شفت بنوته حلوه جميله
لكن ملامحها دبلانه حزينه
قولتلها الجميل مالو زعلان
هو الورد ينفع يكون دبلان
ضحكتلي ضحكه بهتانه
خلتني ع حالها زعلانه
قولتلها مالك احكيلكي
ارجوكي فضفضي وعن حالك اشكيلي
ردت بصوت موجوع
وعيونها مليانه دموع
اللي مني مسمعنيش
كان ضدي وباعني ومنصفنيش
معقولة هتكوني احن منه عليا
ارجوكي سيبيني محدش حاسس باللي فيا
قولتلها يمكن تكوني معذوره
لكن عمري ما أقبل إني اشوفك مكسورة
قالتلي بوصي انا هاحكيلك
وعن مشاكلي ووجعي انا هشكيلك
هحكيلك حكايتي واسمعيني
واوعي بعد ما احكيلك حكايتي تجرحيني
ابويا باع وامي اشترت
والولد ضاع والارض افترت
لاموا عليا الناس
والفرح مش ليا
اصل الحمام لو مات
ايه فايدة الغيه
ياللي بتجرحني
ارحمني بقى شؤيه
كنا ليك وانت اللي مش لينا
ازي قدرت للحظه يابا تفرط فينا
ده الاب نور في وسط الضلمه بينور
الاب سند في عز الوجع
يحضنك ويطمن
وانا اللي في عز شدتي وضلمتي
عمره ما نورلي
وفي عز وجعي
لا عمره حضني
ولا مره طمني
وهي الدنيا اااااااااااااااااااااااااايه
وهي الدنيا ايه
غير اب يحميكي
يحبك يسندك
وفي عز شدتك يقويكي
وانا اللي ابويا باعنا بالرخيص
وامي اللي اشترت الرخيص غالي
في الوقت اللي الاب فيه باع
وقال انا مالي
بكل بساطة قال
لو عايزه ولادك خوديهم
بس تسددتي الديون اللي عليا وعليهم
الله يسامحك يا زمن
والله كتيييييير غدار
يوم تعيشنا في جنه
ويوم تعيشنا في نار
الله يسامحك يا زمن
الاب يبيع ولاده
وبعشرين الف يكون التمن
صعب انك تكون رخيص
قصاد اللي من دمك
احساس بشع
كانه طعنك وسمك
صعب انك تكون قليل
في نظر اللي حبيته
كانك قعدت سنين تبني في بيت
وفي لحظه هديتوا
وعرض العم ع امي
كلام الاب اللي قالوا
وازاي لو وافقت
الدنيا لابويا تحلالوا
كان نفسي ترفض علشان
ميعشي لو لحظه متهني
ويفضل علشان يطول الفرحه
سنين مستني
لكن امي كالعادة بطيبتها
وعلشان احنا دنيتها
وافقت وقبلت بالكلام
ووقتها الحال كان خالص مش تمام
عمي رفض وقال ازاي وافقتي
ومنين تجيبي المال
ردت بكل قوتها كله فدا العيال
متعولش للدنيا هم ربك كبير حنان
وع عباده دايماً حنون منان
وفي لحظه كل شيء اتاخد مفضلش الا اوضه
اوضه كات فيها الطيور محطوطه
زعلنا وقتها واعترضنا
احنا مكانا مش هنا احنا مكانا هناك في البيت الكبير مش في اوضه كنا فيها الطيور حاطين
زعلت امي وقالت
انا ضحيت بكل حاجه علشانكم
ودايما للخير بتمنالكم
اللي عايز يروح يعيش مع ابوه يروح
انا عمري ما اقبل اني اشوف حد فيكم
يا ولادي مجروح
قلنا بعلو صوتنا احنا منقدرش نسيبك
مكانك هو مكانا
ومكانك قطعه من الجنة
ضحكت وقالت بوجع ورجاء
يبقى تقووني متكسرونيش
يبقى تقووني متكسرونيش
ده انا من غيركم مقدرش لو لحظه اعيش
اقسمت وقتها اني لازم اكون قويه وان عمري ما اقبل اكون ضحية اقسمت اني لازم اكون حاجة كبيره تفتخر بيها قصاد كل العيله
ويندم الاب اللي باعنا في يوم وقبض التمن ويندم الاب اللي باعنا في يوم
علشان يخفف ع نفسه الهموم
ادي حكايتي حكايه ابويا اللي باع
وامي اللي اشترت في زمن الناس
فيه قسيت وياما افترت
قولتلها ع قد ما كانت
حكايتك صعبة واثرت فيا
ع قد ما مبسوطة انك فكرتي بإيجابية
فخورة بيكي وبكلامك
وبدعي ربنا دايماً يعلي من مقامك
حاجة هقولها وياريت تسمعيها
واوعاكي للحظة انك تنسيها
محدش بيتعلم في الدنيا دي ببلاش
لولا الظروف اللي بنمر بيها كان زمانا منسواش نوصل لنهاية حكايتنا بمبدأ
مبدأ يابن وبنت ادم وخليكي ماشيه عليه واوعاكي في يوم من الايام تنسيه
الاب لما في يوم من الأيام يبيع ولاده ويرميهم متنتظرش من اي حد اي حد مهما كان هو مين انوا يفكر يشتريهم
ده الاب صاحب واخ وحبيب
الاب لما يبيع ولاده جرحهم ميدواش مليوووووووووون طبيب
بقول لكل بنت وست
انتي انسانه
واوعي تعيشي
لو لحظه مهانه
اللي يصونك حافظي عليه
واوعي في يوم تفرطي فيه
واللي يهينك يلا سيبيه
واوعي للحظة تبكي عليه
خلي اختيارك صح من البداية
لان اختيارك هو اساس الحكايه

شاعرة الصعيد رفيده عبدالله