#عمر_إفتراضي
#عمر_إفتراضي
كتبت عالية الشيمي
مش هيكون غريب لو شبهت قلوبنا وعلاقتنا بأي حاجة ليها تاريخ صلاحية وبالرغم ان ليها عمر افتراضي يكاد يكون محسوب صح .. بنلاقي ان لو تم تخزينها أو إستعمالها بشكل غلط ومن غير ما تتبع التعليمات المكتوبة عليها … عمرها الافتراضي بينقص وبتتهلك بسرعة ومبتبقاش صالحة للإستخدام .. وواحدة واحدة الكفائة بتقل لحد ماتبقي مش نافعة خالص … !!
لأسباب معينة وكتيرة ممكن العلاقات توصل ل تاريخ انتهاء” صلاحيتها على الرغم من أننا مبنبقاش حاسين بكدا رغم أن في علامات بتظهر لينا بس للأسف إحنا بنخلط بين تعبنا من ضغوط الشغل والحياة وبين تعبنا من علاقة عمرها الافتراضي قرب ينتهي …. .
لو بتستني أي أجازة تبقي فيها لوحدك من غير الطرف التاني ولو دايما في طرف مستمر في اللوم والعتاب …. لو الخلافات زايدة علي حساب اللحظات الحلوة …. لو بتحس بتعاطف وانجذاب واهتمام من أو مع حد غيره ….
لو حاسس دايما بتعب … فاقد الرغبه في انك تكمل ومش مهتم انك تنجح أو تفشل …. حاسس انك لما بتكون معاه بتبذل مجهود .. مفيش حوار وحتي لو فيه بيبقي متعب وبيحصل خصام بسرعة …..
ده كله معناه أننا واصلين لحيطة سد …. واتحولت لعلاقة منتهي صلاحيتها تماماً ….
للأسف بنخلي أنسان محور حياتنا … بنخليه طوق النجاه … بنخليه كل حاجة …وبنرمي حمولنا مرة واحده وبننسي نسألهم وبننسي نشاركم .. مستنين ناخد وبس … أو اتعودنا يمكن ناخد وبس …. وبننسي ان كلها حاجة ليها عمر افتراضي …!!!