واكتب وقول يازمن بقلم الشاعر د.عصام زكي الغنام
واكتب وقول يازمن
عن عسكري سوبر
خلا التاريخ اتوزن
في ستة أكتوبر
إكتب
إكتب وقول العار
والتار سكن فينا
ست سنين والنار
قايدة عشان سينا
إكتب
إكتب عن اللي صبر
واحكي حكايته وطوف
خطي القنال وانتصر
دغدغ جبال الخوف
إكتب
إكتب عن اللي دفع
مهر العروسة دم
واكتب عن اللي زرع
فرحة مكان الغم
إكتب
إكتب وقول الولد
كان يوم ولادته شديد
علشان تعيش البلد
فاتها وليد وشهيد
إكتب
إكتب وقول يازمن
………………..
أهدي هذه الأغنية لكل من روي تراب مصر
بدمائه الطاهرة لتنبت لنا الحياه.
وإلي روح المرحوم العزيز الاستاذ سيد زغلول الذي تغني بها في
احدي احتفالات
مدرسة طوخ الأقلام الإعدادية بأعيادنصر
اكتوبر وما أن يصل لغناء المقطع الأخير
في البروفات معي حتي اتركه وأخرج
مسرعا خارج الفصل حتي لايراني باكيا.
…………………
د.عصام زكي الغنام