يجب النظر فى معاناة كبار السن والسيدات فى الموصلات العامة

يجب النظر فى معاناة كبار السن والسيدات فى الموصلات العامة

فكرة ،، محمد صبحى

هو ليه مايتعملش أتوبيس لكبار السن والمرضى داخل المنصوره وبالأخص فى الجو الحار ده

من بعد الظهر حتى المغرب ؟
ده ثواب يا جماعه…
والموضوع سهل جدا
طب ياريت محافظة الدقهلية تعمل المشروع ده بجد تبقى حاجه حلوه اوى اوى وتحسب لنا
ولو لم يتم تحقيقه من #محافظه الدقهلية
ليه ماتبقاش دعايه انتخابيه محترمه لعضو مجلس نواب أو شيوخ بدل البنرات اللى بتتعمل
فى المواسم والاعياد وعند دخول الانتخابات وفى الاخر هاتترمى ع الارض ويمكن كمان ماينجحش ويبيع أملاكه ويخسر كل حاجه
تخيل كده لو اشتري أتوبيس أو حتى ميكروباص بقيمه الحملة الانتخابية بتاعته وشغله لوجه الله تعالى لكبار السن والمرضى اكيد اسم صاحب الاتوبيس أو الميكروباص والسائق اللى شار بالشوره دى هايبقى فى القلب قبل الصندوق
ولو حتى تكفل به اى حزب من الأحزاب لمدة ساعتين الحر دول
واللى ينفذ الفكره دى أنا أول واحد هاقوله #شكرا لأنك حسيت بالغلبان والمريض وفئة كبار السن
#شكرا لأنك جبرت خاطر ناس كتير
#ولو احتاجتنى اشتغل مع سائق الاتوبيس أو الميكروباص لصالح كبار السن والمرضى أنا تحت امرك بعد مواعيد العمل الرسمية وبدون مقابل

بقلمي
محمد صبحي