قصيدة{ أنا الهجين}
قصيدة{ أنا الهجين
تأليف: الشاعر عبدالله التلباني
لو جيت علي باب شارعنا
هتسمع عني من جهتين
فيه اللي هيقولك دا طيب
ودايمآ سعيد وأمين
وفيه اللي هيقولك دا متشائم
ودايمآ عايش حزين
أوعي تستخرب من اللي قالوه
عشان أنا الشخصيتين
ديمآ بوزع ابتسامة
ومن جوايا شخص حزين
لو بصيت عليا من بعيد
هتشوف واحد رصين
وهتسمع صوت ضحكتي
بتفرح كل المعجبين
أما لو قربت مني
هتسمع صوت آنين
وهتشوف شخصية تانية
وهيا شخصية المسكين
العزلة دايمآ شخصيتي
حتي لو قاعد مع أصحابي الغاليين
أنا الهجين اللي عاش متفائل
رغم أن دارت عليه السنين
أنا الهجين اللي قافل عليه الأبواب
ومن كتر الهموم نفذت مساحة التخزين
أنا الهجين اللي لون الحياة
بإبتسامته وأصبح هوا أداة التلوين
الحزن عاش جوايا سجين
والفرحة بقت قناعي قدام الملايين