فتره الخطوبه

فترة الخطوبة

كتبت عالية الشيمي

لكي تتأكدي ان عريسك أو خطيبك….
هيكون زوج كويس لما تتجوزوا…
توجد بعض المؤشرات ..
ركزي فيها شويه في فترة الخطوبة
سيبك شويه من الدباديب الحمرا
والفلانتين والكلام الأونته ده
والدره المشوي والترمس وازازة الحاجه الساقعه.
وشوية النحنحه والتمثيل والاقنعه دلوقتي.
#لازم يكون صريح ..
في كلامه ووعوده معاك ..
ودوغري في تصرفاته ومش محوراتي وبتاع افلام
#بيبذل كل جهد لسرعة بناء عش الزوجيه.
#بيناقشك ويشاورك في اي حاجة تتصل بحياتكما…
#مايقدرش يسيبك وانت زعلانه أو مقموصه منه ابدا
لازم يطيب خاطرك..لحد ابتسامتك ما ترجع تملى وشك
#تشعري وانت معاه بالأمان وانه بيتحمل مسؤليتك
#بيتكلم عنك في وجودك وغيابك بمنتهى الحب والاحترام
#بيدافع عنك أمام الاخرين بايجابية وحب وتقدير كأنك امتداد له
#تشعري أنه مستقل في قراراته ومحدش بيجبره عليها.
#مايسيبكيش وانت مزنوقه ومتأزمه لوحدك.