رسالة من طبيب
رساله من طبيب
متابعه الدقهلية عاجل
د/ محمود السيد علي الشحات يكتب :
كورونا والأوكسجين القاتل
مش كل مريض عنده كورونا محتاج ياخد اوكسجين
لو بدأت تاخد الأوكسجين والرئة بدأت تتعود عليه وتنشف من المرطبات الطبيعيه lung surfactants استحالة ترجع منه بسهوله
الحقيقه اللي خلاني اكتب البوست ده انك تلاقي المريض عنده اشتباه مثلا كورونا يتصل على واحد قريبه يبدأ الفتي لازم نجيبلك اسطوانة اكسجين ويبدأ ياخد اكسجين رغم أن تركيز الأكسجين في جسمه كويس دون استشارة طبيب متخصص..
الناس مفكره إن كل واحد عنده ضيق بالتنفس يتصل .
.يا دكتور ..نجيب انبوبة الأوكسجين علشان تريحه شويه ..وهو لا يدري انه قد يكون الأوكسجين هو سبب الوفاه الحقيقي ..ويكون الجهل والفتوي بغير علم سبب الوفاه الحقيقي..
لا تعطي الأوكسجين الا عند الحاجه مع وجود قياس مسبق للأوكسجين او عمل تحليل غازات بالدم.
مينفعش نوقف الأكسجين مره واحده لان ممكن يحدث هبوط مفاجئ للأوكسجين في الدم ودي قد تكون قاتله وغالبا ماتحدث مع المدخنين لفترات طويله.
نبدأ باستخدام الأكسجين بجرعات قليله …ونتابع ارتفاع الأكسجين في الدم لو لقيت كل ماتعلي الاكسجين من الاسطوانه.نسبة الأوكسجين مش بتعلي بلااااااااااااااااش تعلي بزيادة ..ما هي مش عافيه هي .وممكن بعد ما تعلي تلاقي تحسن واضح جداااااا لكن للاسف تحدث ضاهرة انتزاع النيتروجين وحتعمل اغلاق تام للحويصلات الهوائيه
وهي القاتله …
مرضي الربو او الالتهاب المزمن قد يعانون من ارتفاع نسبة ثاني أوكسيد الكربون .. وبالتالي يجب الحرص عند اعطائهم الأوكسجين ..لانه احيانا بيعمل تراكم لثاني أوكسيد الكربون .وهو قاتل ايضا….
جلسات الاتروفنت والبلميكورت بعد جلسات الاوكسجين وليس العكس..
محتاجين سوائل كتيره مع الاكسجين
الاكسجين قابل للاشتعال…..فالحذر عند التعامل معه ..
واخيرا مفيش اكسجين من غير دكتور …مش واحد صاحبك او قريبك او حد عاوز يعمل خير فيجيبلك الانبوبه ..فقد تكون انبوبة الاوكسجين هي القاتله.
ارجوكم ده مش وقت فتوى مش معقوله البلد كلها هتتحول لأطباء بدون علم
افتي في مجالك اللي بتفهم فيه