خليها تحمض .. شارك وكن ايجابي لصالح حياتنا واولادنا . 

علشان كده فيه حملة منظمة لمقاطعة الفاكهة اعتبارا من السبت القادم 1 / 9 / 2018 لمجابهة جشع التجار خلي الفاكهه تعفن عندهم في الوكالة اللي بينزلها طبعا اردئ واقل الفواكهة جودة ومتنفعش تدخل اي وكالة تانية نضيفة علي مستوي الجمهورية وفي نفس الوقت تتباع بأعلي سعر للجمهور .

المظلوم في الموضوع ده كله اتنين اولهم المزارع اللي الحاجة بتطلع من ارضها بربع تمنها في السوق والثاني المستهلك اللي عايز 100 جنية علشان يجيب نوعين فاكهة يروح بيهم للعيال وهو راجع من شغله .

اقوي سلاح هو المقاطعة علشان لما تعفن عندهم يبقوا يتقوا ربنا في اسعارهم الخيالية وينزلوا بضاعة نضيفة ويسيبوهم بقه من شغل الرمرمة اللي بيعملوه .
وفي الحقيقه انا كناقل للمنشور ولان الكلام واقع حقيقي ولاول مرة اشارك بحملة مقاطعه .. وموش حنموت لو اخذنا موقف ايجابي حتي تعود الاسعار الي سابق عهدها وبالاصول . ولا مانع من المقاطعه ونعيش،بدون فاكهه اسبوع ولا اتنين زي الشعوب المتقدمه لما تتحكم بالاسعار بالمقاطعه . وواجبنا كلنا نقول لا ## للجشع ولا للاستغلال .