بالفيديو الدكتور محمد مرعي.لو أنتى حامل أو داخلة على فترة حمل .. يبقا لازم تركزى معايا

لو أنتى حامل أو داخلة على فترة حمل .. يبقا لازم تركزى معايا 👌

الدكتور محمد مرعي اخصائي النساء والولادة والعقم

فى بداية الحمل هتقابلى بعض المشاكل الصحية والنفسية من ضمنها مشاكل عدم

القدرة على النوم وفى ستات كتير بتبقا خايفة تنام ل تأذى الجنين .. عشان كدة هقدم

لك شويه نصائح عن الأوضاع الصحيحة للنوم وهنعرف مع بعض إيه الأوضاع اللى لازم

تتجنبيها خلال فترة الحمل !! ✋

🌸 أول 3 شهور فى فترة الحمل :

ف أول 3 شهور سيدات كتير مبتبقاش مرتاحة ف النوم

🔹 أفضل وضعية للنوم في المرحلة دى على الجنب الشمال مع ثني ركبتيك.

🔹 النوم على الجنب اليمين بيسمح للرحم بالضغط على الكبد وده يفضل تجنبه.

🔹 ممكن تنامى على ظهرك في المرحلة دى لو الوضع ده هيريحك لأن بطنك لسه

صغيرة ووزنك مزدش بشكل يضغط على فقرات العمود الفقري.

 

🌸 تانى 3 شهور :

في الثلث الثاني من الحمل جسمك بيبدأ يتعود ع الهرمونات والتغيرات اللى بتحصل

ودول بيكونوا أفضل شهور الحمل وأخفها في الأعراض..

🔹 أفضل وضعية للنوم في المرحلة دى هي النوم على الجنب الشمال لان الوضح دة

بيسمح بنقل إمدادات الدم والمواد الغذائية لطفلك من خلال المشيمة بشكل أفضل.

🔹عشان ترتاحى أكتر حطى مخدة بين ركبتيك .

🔹 لو فى آلام أسفل الظهر حطى مخدة تحت بطنك.

🔹 لو فى حرقة ف الصدر والقلب حطى مخدة تحت ضهرك.

🌸 أخر 3 شهور ف الحمل :

ودول أصعب شهور فى فترة الحمل بسبب زيادة حجم الجسم وزيادة ضغط الجنين

على المثانة وحركاته غير المتوقعة..

🔹 الوضع الأفضل فى المرحلة دى تنامى ع الجنب اللى يريحك .

🔹 إبعدى عن النوم على ظهرك عشان متتعبيش وتعرفى تتنفسى.

🔹 تجنبى النوم على بطنك عشان الجنين ميحصلوش حاجة.

 

أى تعب مفاجئ يحصلك بنصحك متتردديش تطمني على صحة طفلك <3

لو عندك أى إستفسار تقدرى تسيبى كومنت أو تشرفيني في العيادة 😄🌸

.شاهد الفديو