انت ضيفنا وانت فى منزلك
انت ضيفنا وانت فى منزلك
حوار مع قيادة
اهلا وسهلا بحضرتك معنا اليوم على
بوابة الاخبار ومنصة وموقع الدقهليه عاجل **
اهلا بحضرتك وسعيده بوجودك معكم
** اولا نحب نتعرف على حضرتك
فى نبذة مختصرة **
انا نشوه ابراهيم ابراهيم الشهيره بنشوه فضاله انسانه مسالمه احب اتعامل مع الناس ببساطة
** من وجهت نظرك ايهما افضل عمل المرأة ام تربية الأولاد والمنزل **
طبعا بالمقام الأول تربية اولادى لانهم المستقبل
اما بخصوص الشغل فهو مهم جدا سواء داخل المنزل او خارجه لاني بحترم العمل جدا والسعي وراء الرزق
** هل العمل يعطى المرأة ثقة وثقل فى المجتمع **
اكيد العمل بيدعم المرأه ويزيد من ثقتها بنفسها وغير كدا بيزيدها وعي وثقافة
** هل حضرتك نجحتى فى التوفيق بين البيت والعمل **
الحمد لله والكل بيشهد بحسن تربيتي لاولادى لانهم حصاد تعبي طول السنين انا بعمل من اجل اسعادهم
** ماهى المرحلة التعليمية الأقرب إلى قلبك الابتدائيه الاعداديه الثانويه الكلية ولماذا **
كل مرحله ولها طعمها ولن تتعوض اجمل ايام عمري بس المرحله الاعداديه كانت جميله بوجود كل اصدقائي لان المرحله الثانويه بدأنا نفترق بسبب اختيارات مختلفه للدراسه وغير كدا بدأنا فيها نعتمد علي انفسنا بشئ من الحريه
** من هو مثلك الاعلى فى الحياة عموما **
مثلي الاعلي بالحياه والدى رحمة الله عليه
** اكيد حضرتك بتتعملى مع فئات مختلفة من المجتمع اية رايك فى ثقافة المجتمع العامة **
ثقافه عقيمه ينقصها وعي بسبب العادات القديمه السلبيه
** اية رايك حضرتك فى مبالغة الناس فى تجهيز الزواج
والحل اية **
ماهي دى من اكثر العادات القديمة السلبية التغالي في المهور وقياس البشر بما معهم من ماده ومناصب
الحل من وجهة نظري اني ابدأ بنفسي كي اكون قدوة حسنه لغيري
** كيف يتغلب الناس على الغلاء من وجهت نظرك وكيف **
والله دى مشكله كبيرة تطلب عمل ميزانيه حسب دخل كل فرد والمهم فا الاهم لحد مانعدى المحنه
والسعي وراء الرزق وعدم الاعتماد علي احد الكل يجب ان يعمل
العمل ثم العمل هو الحل
** الشعر والادب لهم دور بارز فهل عند حضرتك وقت للمشاركة وهل هناك قصيدة مميزة بتحبى تسمعيها **
انا عاشقه لشعر الفصحي
وبحب جدا كل قصائد الشعر الجاهلي
** فجاه طلع لكى عفريت عفركوش وقال لكى شبيك لبيك اطلبى ثلاث طلبات هتطلبى اية **
هاطلب الستر والصحة وفك الكرب ودول بطلبهم من رب العالمين وثقتي بربي كبيرة جدا
** معاكى ثلاث كروت احمر واصفر وأحضر
فلمن تعطى الكارت الاحمر
ومن الكارت الاصفر
ومن الكارت الاخضر **
الكارت الاحمر اعطيه لكل من قست قلوبهم علي الضعفاء
اما الاصفر اعطيه لكل من استاهل فعل المعاصي حتي يتوب ويرجع لرشده
اما الكارت الاخضر
بعطيه لكل من احب من اهلي واصدقائي
** ماهو رايك في مستوى التعليم ورأيك فى المدارس والجامعات الخاصة **
من وجهة نظري ان مستوى التعليم قل حينما قل وعي الامهات وانشغالهم عن متابعة ابناؤهم سواء كانت خاصه او عامه لان اغلب الاهالي اعتمدو علي ان المدارس الخاصه والدروس الخصوصيه كفيله لتعليم اولادهم ودى اكبر كارثه
** ماهى اسباب السعاده الزوجيه فى نبذة بسيطة **
الدفئ الاسري والتربيه علي حب والاب والام يكونو قدوة حسنه لابناؤهم
** هتبعتى رسالة شكر ياترى لمين وتقول له اية **
ابعت رسالة شكر لكل صاحب منصب عنده ضمير ووعي وبيعمل علي المصلحة العامة
ويكون عنده رحمة بالضعفاء
** تم تعينك رئيس للجمهورية ماهو أول قرار **
اول قرار ان اكون بجوار شعبي علي ارض واقع و مسؤوله مسؤلية كامله عن شعبي وافتح قلبي و بابي للجميع وات
عهد بذلك مهما كلفني الامر
شكرا للاستضافه ويارب اكون ضيف خفيف علي قلوب الجميع