المطلقة

المطلقة

بقلم. ،،، وداد السعيد

المطلقة او المنفصلة او الارملة مش صيد سهل ولا محرومة رجالة ولا محتاجة ضل راجل ولا بيغمى عليها لو سمعت كلمتين حلوين ولا يوم ما هتفكر تتجوز تاني هتتجوز اي راجل لانها مكسورة الجناح ولا هي مالهاش اهل ولا هي ضعيفة وما تقدرش تواجه المجتمع لوحدها ولا هي خطافة رجالة ولا هي هترضى بقليله علشان هي فرز تاني ولا هتخطف راجل من على مراته لانه مش عيل صغير هيتخطف

المطلقة انسانة الظروف ما ساعدتهاش تكمل في ارتباط على سنة الله و رسوله وانفصلت برضوا على سنة الله و رسوله وده شيء ما يعيبهاش وتقدر تبدأ حياة جديدة بكل شروط وتفاصيل الجواز العادي ولا تقل عن البكر في شيء

المطلقة مش فريسة او صيد سهل ومفتقدة للعواطف والمشاعر والاحاسيس و اي راجل هيقولها كلمتين حلوين هتدوخ وتقول عريس يا بووووووي او تنخ وتركع وتستسلم لشهواتها و رغباتها المكبوتة قصاد اغرائاته الجامحة 😂

المطلقة مش منحلة انتوا اللي مسيطر عليكم الفكر بغريزتكم اكتر من عقلكم وقلبكم ✋.