الشاعر المصري أحمد إبراهيم النجار يكتب قصيدة/ ( حبيبتي )
بتاريخ 4/7/2020
في درب الوعد والمكتوب
بعيش بعدك وانا تايه
ولا عايش ولا فايق
ده انا الدايق
في بعدك مر الصبار
ده انا جزع في وسط الريح
خلاص انهار
ويصرخ صوت ضلوع جسدي
ويسقط في الخريف ورقي
ويسكن صوتي جواية
وبتعذب في بركاني
واه من بعدك المكتوب
على جبيني
واه من حلمي المصلوب
على غصن الوادع مكتوب
وتنزل دمعه من عيني
ويصرخ صوتي جواية
حبيبتي فين وحشتيني
انا سكران وبتواح
وبتقلب على جمري
وبعدك عني الفين عام
وانا ساكن جبال صبري
وبتقلب في وسط النار
ده انا العايش وانا الميت
وانا الساكن قبوري سنين
وبتعذب في بعدك ويل
ولا قادر علي بعدك
ولا شايف طلوع فجرك
ولا شمسك هتشرق يوم
وانا العايش في وسط غيوم
واناديكي
ولا صوتي بيوصل يوم
على حدودك
ولا بسمع في يوم صوتك
طواني الليل
مع رعشة جسد مصلوب
في درب الوعد والمكتوب
بعيش بعدك وانا تايه
ولا عايش ولا فايق
ده انا الدايق
في بعدك مر الصبار
ده انا جزع في وسط الريح
خلاص انهار
ويصرخ صوت ضلوع جسدي
ويسقط في الخريف ورقي
ويسكن صوتي جواية
وبتعذب في بركاني
يا طووووول صبري وحرماني
خلاص وبموت
في وسط الليل
وتسقط مني اشلائي
وتصرخ فيا اشواقي
وتدبل في الخريف أحلام
وتسقط كل اوراقي
خلاص جسدي
في درب الغربة مش راجع
ولا راجعه في يوما ليا
وتصرخ دمعه في عنيه
ويسكن قلبي جواية
برعشة موت
وتسكن دمعه مخنوقه
وينهار ع الدروب جسدي
في لحظة موت
وصوت الريح وليل حالك
لا انا مالك
اعيش عمرين على عمري
خلاص الوقت بيعدي
خلاص الوقت مش وقتي
ولا زمنك في يوم زمني
ولا قربك في يوم مكتوب
في اوراقي
وضاع حلمي مع حلمك
في ليل حالك في وسط دروب
خلاص وبموت خلاص وبموت
بقلم الشاعر المصري/ احمد إبراهيم النجار
