نافذتك على الأخبار العالمية والمحلية

نفسي أكتب لك يامه جواب بقلم المبدع الشاعر الدكتور عصام الغنام

319

نفسي أكتب لك يامه جواب

زي ماكان القلب الصافي

بيكتب ليكي وهوه صغير

 

نفسي افتح لك يامه الباب

واجري عليكي بقدمي الحافي

أرمي ف حضنك بال متحير

 

نفسي ف ضحكة قلبك يامه

لما الدنيا تبوخ ضحكتها

أو يوم تغضب ولا تكشر

 

نفسي ف ضلة قلبك يامه

لما الشجر الأخضر ينشف

جوه قلوب الناس ويحجر

 

نفسي ف شمسة قلبك يامه

لما الدنيا تداري نجومها

والليل يطول تيجي تنور

 

نفسي ف مرة تقولي ياواد

نفسي ف مرة تشدي وداني

واسمع قلبك دق وكبر

 

نفسي ف مرة تجيبي اللقمة

وبحنية تطعمهالي

لو كات مرة منك سكر

 

نفسي ونفسي كتير ياماي

بس اوصل لك فين وازاي

وانت بعادك عني مقدر
ه…………………..

قد يعجبك ايضا