نافذتك على الأخبار العالمية والمحلية

نبذة مختصرة عن قانون التصالح فى مخالفات البناء

110

كتب : رضا الحصري
ننشر نبذة مختصرة عن قانون التصالح فى مخالفات البناء ..

ان مبلغ جدية التصالح بالنسبة لمخالفات البناء بدون ترخيص 40 الف القرى و 160 للمدن كحد اقصى يتم دفع 25% فقط من قيمة الاعمال المخالفة والمحرر عنها محضر المخالفة

اولا الحالات القابلة للتصالح ودى الحالات اللى بينص قانون التصالح عليها

1 – تم البناء خارج الحيز بدون ترخيص
2 – لو معاك ترخيص وفية ادوار مخالفة
3 – لو معاك ترخيص وفية ادوار مخالفة
4 – لو معاك ترخيص وفية مخالفات انشائية
5 – لو معاك ترخيص وفية مخالفات معمارية
6 – لو معاك ترخيص وفية مخالفات استخدام

ثانيا الحالات الغير قابلة للتصالح

1 – البناء علي املاك الدولة
2 – التعدى على خطوط التنظيم
3 – اعمال تخل بالسلامة الانشائية
4 – البناء على اراضى خاصة بهيئتى الاثار والرى
مش لازم يكون عندك محضر عشان تقدم على تصالح
طيب انا معنديش محضر هستفاد ايه من التصالح ؟!

اولا هتقنن وضعك
مش معنى ان انت معندكش محضر يبقى مش مخالف لا مخالف ومش هتقدر بعد كده تعلى طوبه وحده فى البيت عشان انت ما عندكش رخصه وما قدمتش على تصالح
ثانيا لوعندك محضر والحمد لله اخدت براءة فيه وضعك ايه دلوقتى
محضر البناء بدون ترخيص له شقين
شق جنائى & شق ادارى والبراءة اللى حضرتك حصلت عليها بخصوص الشق الجنائى اما الشق الادارى فانت ما زلت مخالف ومش هتعرف تعمل تعليه او تبنى ادوار تانى وهتقف على كده

انتبه .. لو حبيت ترفع دور بعد كده هيتعملك
1 – محضر استئناف اعمال
2 – محضر مبانى بدون ترخيص
3 – محضر عدم تنفيذ قرار ازالة

ثالثا التصالح يعتبر انك بتشترى رخصة للبيت حتى لو البيت خارج كردون المبانى يعنى اصبحت داخل الكردون وليك الحق فى جميع المرافق

رابعا فى حصر دلوقتى بيتعمل للقضايا اللى من عام 2009 حتى 2020 عشان الغرامات اللى لم تحصل حتى الان وهتلاقى جيلك محضر تبديد غرامة بمبلغ وقدرة

طيب التصالح بيكون ازاى وايه المطلوب علشان تتصالح ؟؟

1- صورة بطاقة المالك
2- ايصال كهربا او مياه قديم
3- صورة عقد ملكية ( خاص بالمحامى )
4- تقرير سلامة انشائية من مكتب استشارى
5- صور رسومات معمارية وانشائية فعلية من مكتب هندسى
6- ايصال دفع رسوم ملبغ خاص بفحص الاوراق واثبات جدية التصالح

طيب القضايا اللى لسة شغاله اعمل فيها اية ؟!

لما بتروح تقدم على تصالح وتقدم كل الاوراق المطلوبة منك بتاخد ورقة اسمها نموذج 3 ودى بيقدمها المحامى للمحكمة عشان توقف القضية وتوقف قرار الازالة لحين الفصل فى التصالح

اخر ميعاد للتقديم على المصالحات

هو يوم 30/9/2020 يعنى مش هتعرف تقدم على تصالح بعد الميعاد دة خلاص

طيب انا خايف الموضوع يكلفنى كتير ؟

مهما كانت التكاليف هتكون اقل من غرامة المحكمة واقل من الازالة للبيت واقل من مبلغ الكفاله النيابة اللى ممكن توصل فى بعض الحالات الى مليون وما بتقلش عن 15 الف
وكمان قيمة المصالحة بتتقسط بتدفع 25٪ والباقى على ثلاث سنوات

قد يعجبك ايضا