نافذتك على الأخبار العالمية والمحلية

مستشفي ميت سلسيل تصرخ

16

مستشفى ميت سلسيل تصرخ من شكاوي المواطنين

متابعة./مريم عوض

 

قال مسؤول هيئة الإسعاف علي صفحته الشخصية .

بس قبل ما تكلم لازم تبقي عارف ان الإسعاف هيئه مستقله مالهاش دعوه بالمستشفي .

 

وعلشان التوضيح يبقي عادل هخليها في شكل سؤال وجواب .

 

هل مستشفي ميت سلسيل بحاجه للتطوير ؟

 

نعم مستشفي ميت سلسيل بحاجه للتطوير حال معظم المستشفيات الحكوميه .

 

هل يوجد عجز في الاجهزه والمستلزمات الطبيه والأطباء ؟

 

نعم يوجد عجز في الاجهزه ومحتاجين يبقي عندنا جهاز اشعه ديجيتال وكان نفسي كمان يبقي عندنا مقطعيه زي المنزله ودكرنس وايضا تطوير أجهزة الضغط اللي اصلا بتتفك وكمان …..الخ

وعندنا عجز في المستلزمات واه للتوضيح ممكن تيجي يطلب منك تشتري حاجه من بره ونفس الحاجه دي تتوفر لحاله تانيه لأن فيه حاجه اسمها طواريء يعني مثلا أنا جسمي دافئ بقالي اسبوع ممكن اروح اشتري كانيولا من بره لكن حادثه لازم هنا تطلع الكانولا .

 

ونعم يوجد عجز في الأطباء فمثلا تخصص المخ والأعصاب والأوعية غير موجودين وايضا فيه أطباء مغتربين بييجوا غصب عنهم هنا تكليف ويقولك شطب عليا اخسر تمن نوبتجيه افضل ماتبهدل .وهلم جره.

 

هل كان يوجد ازمه أدت إلي تحويل الحالات المنزله ؟

نعم كان يوجد

 

هل يوجد تقصير من المستشفي في التعامل مع الأزمه؟

كلا لايوجد تقصير بالعكس هما اتصرفوا صح في اخلاء قسم العزل .وكان التقصير هيبقي موجود لو سابوا الحالات وجابوا من بره كام اسطوانه ويخبوا .

 

الكلام اللي فوق ده قولته لأن فيه جروبات كتير بتنادي بإزالة إدارة المستشفي انا بقول لو فضل الوضع ده وجبنا وزيرة الصحة نفسها تمسك مديرة المستشفي هتفضل المشكله موجوده .

 

طب ايه الحل؟

اولا فيه حل كان نفسنا يبقي موجود لينا نائب في البرلمان يطالب الحكومه ب الاجهزه الناقصه والأطباء العجز كمان لأن صوته هيبقي مسموع وكمان لو ماتنفذش طلبه ساعتها ممكن يعمل استجواب والخ وربنا يجعل البركه في النواب اللي نجحوا .

 

ثانيا لازم لجنه شعبيه من أهل البلد يقعدوا مع الاداره يشوفوا ايه المشاكل والعجز الموجود في المستلزمات وخلافه وبعدين سهل نلم ونعمل زي مالجماليه عملت ورفعت مستوي المستشفي .

 

بعد مانرفع مستوي المستشفي نبتدي نجيب إدارة المستشفي ومحاسبتها في حالة تدني مستوي الخدمه بعد توفير مطالبها

اي حاجه تانيه غير ده يبقي زي سعد زغلول ماقال مافيش فايده

قد يعجبك ايضا