نافذتك على الأخبار العالمية والمحلية

محمد سلامه يكتب :-قالوا علينا مكتئبين

194

حياتنا كلنا فترات
ما بين حاضر وماضى وشويه ذكريات
ماضى كلنا عشناه وحاضر بنستناه
حاضر هنعيشه بذكريات الماضى
لا بننسي ولا الجرح عادى
ازاى ننسي وكلنا فى حياتنا نائبات
جوه قلوبنا وبرده هتفضل ذكريات
بتروح وتيجى واهى بتمر الساعات
…..
اللى فات مات
مات فى الحاضر كذكرى وذكريات
لكن فى قلوبنا عمره ما مات
تفكيرنا الغير صحى
صاحبنا الهوى ونجوم الليل
حكينا للقدر كل الأحزان
والسهر للصبح مع ولدين
طلعنا الهم فى كلمتين
والكلام اللى المفروض يتقال لبنى آدمين
طلع مع كلمتين اتنين
والتنهيد اللى بيجى بعد تفكير طويل
بيريح القلب ولو قليل
ورفضنا نسامح الظالمين
قالوا علينا مكتئبين
قفلنا الباب وفضلنا منتظرين
منتظرين قلب بإيد ياخذنا بعيد
من وسط الضلمه والتفكير
واى هو القلب غير إيد بتمسك إيد
كل الأعراض لرفض الحياه
ما هى إلا إنسان حبناه
مسك الإيد وسابها فى وسط الطريق
وكالعاده إيدين بتودع إيد

قد يعجبك ايضا