نافذتك على الأخبار العالمية والمحلية

ما يهمكيش

34

ما يهمكيش

بقلمى محمد عنانى

ما يهمكيش ولو عِطِل مليون سفينه

فى قلوبنا ليكى ألف مرسا وألف مينه

ولا تزعليش مهما يعيدوا أو يقولوا

عشان إنتى روحنا يا مصر ونور عنينه

 

ما يهمكيش لو يزرعوا الشوك فى الطريق

وبكل خِسه فى كل حِتَه يولعوا نار الحريق

ما تزعليش عمرهم منك ما يوم ينولوا

أصل إنتى تاج فى العلالى ضيه ليه بريق

 

ما يهمكيش يابلدنا من كل خاين أو جبان

واللى فى قلبه كره ليكى ولو حتى مابان

ما تحزنيش لازم حييجى يوم يزولوا

غير الحساب ضرورى وكل وقت وله أوان

 

ما يهمكيش مهما يحاولوا يفكروا لك فى الدمار

ومشغولين إزاى يعطلولك خطوتك ليل والنهار

عايشين فى وهم ومستحيل فى يوم يطولوا

سبحانه رب الكون حاميكى بأمره وإليه القرار

قد يعجبك ايضا