نافذتك على الأخبار العالمية والمحلية

قلبى المكسور .. بيحارب لأجل يعيش

173

قلبى المكسور .. بيحارب لأجل يعيش
بيكتب فى قصيدته بقاله سنين لكن مبتكملش
بيهرب كتير للنوم لكن النوم مهوش حل
علشان أكذب أو أقول للجميع إنى بخير
أو إنى لسه ببكى على ناس فارقونى
فسبونى كئيب .. يعنى خلاص معتش
فى مكان يساع البنى أدمين المجروحين
ولا عاد فيه انسان يجبر قلب حزين
دخل الوجع ف عشش فيه
ف حب المكان ف فضل فيه
ف لو أنا الغلطان لإن قلبى حب جميع الناس
ف لو كان الغلط على قلبى .. ف أهو أنا قلبى أدفن ومات
وودع جميع الذكريات .. ولا عاد هيرجع ليكوا
ولا عاد هيبقى بخير وتمام لإنه خلاص مات
ف لو الناس لو حست حتى ولو مره
ف هتضرب نفسها متين مره
لإنها شافت الشكل من برا
ولاحست بالجرح اللى من جوا
دا أنا كنت مجرد انسان بيرسم حلمه
فى خياله .. لكن للأسف مفيش حد شجعه
على أحلامه .. فالكل اتفقوا على خذلانه
ف قالوا فى الآخر مجرحونيش
ف بلاش أكذب أو أبرر للى ساب إيدى
مع إنى كنت محتاجله ف مسندنيش
فمتجرحونيش لإنى والله مبقتش عارفه أعيش
وأنا سامحتكوا ونستلكوا كتير .. ف كان لازم قلبى يحس وعينى تشوف إن جميع البشر بوشوش
ف غريبة الناس وطباعهم
جرحوا القلب اللى مريحهم
وراحوا للقلب اللى ظلمهم وخدعهم
دا أنا لو كنت شيطان مش هعمل شكل ما عملتوا
وإنتوا يا سادة ملايكة لكن والله بتأذوا
ف كفاية إن القلب علمهم معنى الطيبة ..
وهمه علموه معنى الأذية ..
وإن الناس مبقتش هيه ..
فأنا قلبى أصبح ضحية ..
مع ناس مكنتش تستاهل إنى أعاملها بحنية ..
لكن خلاص أهو الوقت عدى وفات
وأنا قلبى أهو مات .. وودع جميع الذكريات
ودا لإنه كان حب جميع الناس ..
فالكل شبهه بالمداس …
ف سامحونى أنا آسف لإنى كنت طيب
معاكم أوى أكتر من اللازم ..
فسلام على ضحكتى اللى فى الصورة
برغم من إن روحى اللى من جوه مكسورة
وسلام على الإنسان اللى بيداوى قلوب الناس
ومش لاقى حد يداوى جرحه من الناس
دا أنا قلبى كان من جوه موجوع
وعينى بتنزف من برا دموع
والكل ودعه بلا رجوع
وكإنه كان مكتوبله إنو يعيش مجروح
مع ناس مكنتش تستاهل منه دموع
ف زودوا الجرح فى المجروح
يعنى هوه كان ناقص جروح !!
وأهو طول عمره عايش مخدوع
والكل بيتمنى يشوفوه موجوع
ف لو كان لسه بدرى على بعدكم
ف امشوا وسبوه لإنه بيعانى من قربكم
وهوه هيبقى مبسوط أوى بس من بعدكم
ودا لإنه ملقاش غير الجراح منكم …
ف أهو هيمشى ويسيبكوا لوحدكم …

# إيمان _حجازى

قد يعجبك ايضا