نافذتك على الأخبار العالمية والمحلية

قصيدة .. سلام شهيد

256

قصيدة .. سلام شهيد

سلام على الدنيا وما فيها
سلام على اللى شايل روحه وجاى يفديكى بيها
سلامى ليكى يا امه من وسط الرصاص
افرحى بابنك يا غالية بقيتى ام الشهيد خلاص
تصدقى مفهمتش يامه
حصة الرسم غير فى الجيش
ويعنى ايه طفل كل شوية يقعد يرسم ف العلم يرسم ف العلم
انا شايف العلم بيرفرف يامه مع صوت الرصاص
جايلك وجايبلك علم كبير سترنا ومغطينا
جايلك ومتشال ع الراس
سلامى لاخوى نضال واختى جهاد
امانة تبوسيهم يامه وقولي لهم اخوكم فدا
راح شهيد فدا البلاد
..
سلام على مد البصر
سلام عدد رمال سينا والحجر
سلامى ليك يا اباااا وسامحنى على البعاد
عارف كنت ضهرك كنت سندك
متكملش يااابا فى الجنة الميعاد
سلامى لاهل بلدى فرد فرد
قولهم يابا ولدى مات شهيد عشان الارض
سلام على وش يشبه وشوش
سلام على كل الوحوش
سلام على اللى مفرطوش
سلام على اللى صدورهم دروع فى وش العدااا
سلام على اللى ضحوو باروحهم فدااا
سلام الله عليكم
وعلى الدنيا السلام

الشاعر / محمود الونش

قد يعجبك ايضا