علاقة فعلا انتهت بقلم محمد عبد المنعم
علاقة فعلا انتهت
وأصعب حاجة لما تكمل ف علاقة فعلا انتهت
ترجع لمطرح ما ابتديت وياريتها اصلا ما ابتدت
ونكدب علي روحنا ونقول انه نصيب
وكل واحد فينا مش قد الحقيقة
ومين اللي هيتجرأ وقبل الناني يسيب
وإحنا اللي بنا بينتهي كل دقيقة
بلاش نرمي أخطاءنا علي شماعة الظروف
هو سوء اختيارنا اللي خلانا نشوف
دلوقتي حقيقة بعض
والأصعب اني اكمل واغشك بالوعود
وانا حلمي دنيا تانية بحلم فيها بوجود
هابعد ودا مني وعد
حاولت اني اكمل فشلت بكل طريقة
معادش تاني ينفع والاستمرار غباء
الحدوتة خلصت وخلاص اخرها فراق
ومهما قدرنا نمشي طريقنا اخره سد
اللي بيفرق بنا اكتر م اللي بيجمعنا
وبرضه لعله خير يمكن فراقنا ف صالحنا
وطبيعي ف اختلافنا نهايتنا تبقي بعد
وعلي ايدنا تموت حاجات فينا بريئة
ف علاقة فعلا انتهت
علاقة فعلا انتهت
محمد عبد المنعم
منعم