الرئيسية / توك شو بوابة الأخبار / بوابة الاخبار : شاهد بالفديو قصيدة دمياط للشاعره ملك معوض

بوابة الاخبار : شاهد بالفديو قصيدة دمياط للشاعره ملك معوض

قصيدة دمياط للشاعره ملك معوض كلمات العميد محمد هيكل

متابعة :- ضياء مسلم

أنا م البلد اللي فيها السحر شيئ تانى

و فيها الحب و الرحمه

وفيها الطيبه حضناني

وفيها الحرفه و الصنعه

و ليها العشق رباني

دى فيها كل طبع جميل

وفيها كل غالي أصيل

وفيها البحر حاضن نيل

وواخدهم ف أحضاني

سيرتها لقلبي بتدفي

بتروي العمر وتكفي

صورتها الحلوة على كفي

وماليه عيوني وكياني

وناسها طيبين جدا

بلد بالعشق سكناني
.
********************
.
بلد فيها الجمال و الفن و الاعجاز
بلد شوشه و دريه و فارروق إلباز
.
بلد الأمان و البشاشه
و العلم و المعرفه
بلد طاهر أبو فاشا
وعيشه و مشرفه
.
بلد القلوب الطيبه العاشقه للاوطان
بلد العظيم البطل .. رأفت الهجان
.

بلد الصحافه و الادب و العلم والحكايات
زكى نجيب و ضيف ومحمد الزيات
.
بلد الرياضه و البطوله ونجوم الفن و السيما
سنباطى والفناجيلى و زاهر وماما كريمه
.
هنعد مين و لامين يا كنوز من الاسماء
يابلد التاريخ و الشرف و العلم و العلماء
.

****************************
.
بلد الجمال و الجنان … بعشقها بررد و حر
بلد الفنار و اللسان ….. ياجمالها راس البر
.
بلدى اللى قلبي عايشها … وحنينها يندهلى
دا كفايه على كورنيشها أتمشى انا واهلى
.
شارع الجلاء و التجاري واللمه إيد مع إيد
و منظر ميدان الساعه ساعة صلاة العيد
.

ضريح شطا و طابية عرابي ع التاريخ شاهدين
و مسجد عمرو و المعينى و ضريح جمال الدين
.

بلد الجمال والفن …. وتملى فيها جديد
بلد الاثاث و الحلو … بلد الجلود و الصيد
.
أنا مهما اغنى و اقول
و اوصف انا فيكى
محتاج كمان عمرين
علشان اوفيكى

يبصوا ف عينى يا دمياط يشوفوكي
مهو انتى عشقي و جنونى و إحساسي
يابان الشرق يا دمياط و سموكى
وانا سميتك انتى يابلدى تاج راسي

شاهد أيضاً

شاهد بالفديو عايزه اقولك للمعالج النفسي الدكتوره دينا هلالي

عايزه اقولك للمعالج النفسي دكتورة :- دينا هلالي متابعة :- ضياء مسلم للمشاهده اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *