نافذتك على الأخبار العالمية والمحلية

بالعامية هقول للكمساري وصية

74

بقلم -احمد قنديل

يافندي ياسعادة الكمساري
الجندي ده بيموت عشانك وعشاني
فيها ايه لو مدفعش مره ماهو هيركب تانى

دا مينفعش تقولوا انزل من القطر
عشان بيسطر بدمة فى المعارك الف سطر
وطالع وهو عارف أنه ممكن رصاصه تشطر جسده شطر

هنعيد الكلام  تانى ياسعادة الباشا الكمساري

الجندي رمز البطولة بحرواى أو من الصعيد الجواني
عشان ابن مصر لما بتنادية عليه صرخه منها آه يآني

 

عيب تقولوا أنزل، ياخي إحترم البدلة والعلم والنسر
إحترم اليمامه رمز السلام والراية وعلامة النصر
إحترم اللي بيضحي بدمة من غير مقابل ولا أجر

 

هو ده اللى بيصرخ صرخه يسمعها قلبي قبل وداني
لو يوم حد يفكر أو يدبر يلمس حبة من تراب أوطاني
فجأة تلاقية شد ميرى فى دقيقة أو ثواني

 

هو ده إبن مصر اللى بيسهر من الغروب للفجر
إللي علم للشعوب يعنى إيه معنى الصمود والصبر
ولا يوم سكت عن دقة ندالة أو خيانه وغدر

‏هو ده رمز الرجولة والشهامة هو ده إبن مصر

قد يعجبك ايضا