نافذتك على الأخبار العالمية والمحلية

الوقت…!

26

بقلم الكاتب /أشرف فتحي عبد العزيز

تك…تك…تك…تك 🕓
سامع صوت الوقت شايف عقارب الساعة وهي بتلف وتدور الوقت أهم حاجة في حياتنا بيمشى معانا في كل مكان ومع كل دقة للوقت بينقص عمرنا من غير ما نحس أو نهتم أو نستفيد منه والكلام ده عن ناس كتير عايشة حياتها كدة من غير ترتيب أو إهتمام و مستسلمه للواقع ….!

الوقت مش ساعة أو تاريخ، الوقت هو أنت اللي بتحدده يمشي إزاي ومن أي إتجاه أوقات كتير بتستسلم للظروف وتقف وتبقي مش عايز تكمل حياتك بس اللحظة اللي بتفكر إن الزمن وقف عندها بيكون حواليك ناس الوقت بياكل فيهم كل ثانية من خوفهم عليك من القلق والتوتر اللي عايشين فيه بحزن عشانك..!

متخليش وقتك يخلص وانت مهزوم من ظروف عشتها وكل اللي حواليك نوعين ناس وقتهم بيخلص عشانك وناس وقتهم بيطول وهما هزمينك وكسرينك…!

فوق ومشي الساعة وأنت محدد وقتك وأنت بدق بالحياة وأنت بتحاول تقاوم وتنتصر على الظروف والمحن وخرج من بين العقارب والتروس صدا الناس اللي عايزة توقفك وتخليك مجرد تاريخ بيعدي من غير روح مجرد ساعة عطلانة مركونة على الرفوف ….!

تك تك تك تك اسمعها كدة هتلاقيها دقات قلبك اللي بتمشي الساعة ، خليك ماسك وقتك بين إيديك حتى آخر دقة تخرج منك مع أخر دقة لمعاد الساعة….!

قد يعجبك ايضا