نافذتك على الأخبار العالمية والمحلية

البداية…!

21

بقلم الكاتب – أشرف فتحي عبد العزيز

أصعب خطوة في حياتك في كل موقف او موضوع مهم بيفضل مصاحبك التفكير الطويل اللي شاغل بالك صبح وليل مش عارف تنام ، مش عارف ازاي تخطي الخطوة دي ، جواك تردد، خوف، قلق، وواقف عند نقطة واحدة قدامك خايف تخطيها..!

بس اقولك كل ده عادي مش بضعفك ولا حاجة لا بالعكس الخوف والقلق والتوتر بيخليك تفكر الف مرة، بيخليك عمال تحسبها من كل إتجاه، بس أوعى يا بطل من التردد اللي هو أضعف حاجة في الموضوع ويوقف حياتك عند نقطة ملهاش نهاية….!

مش عيب إني اخد قرار ويطلع غلط او أقع من اول الخط، العيب انك تستسلم وتوقف وتوه، العيب انك تكون محاوط نفسك بناس حبطينك طول الوقت عايزينك فاشل زيهم، العيب إنك تخلي غيرك يتحكم في مصيرك وتعيش جوه الفشل قافل على نفسك جواه….!

القوة بجد انك تحاول وتحاول وتحاول ومع كل إنكسار هتزيدك قوة انك عايز توصل وتنجح، عايز متكنش فاشل وسط ناس فشلهم خلاهم مش عايزين يقاومه واستسلمهم مخليهم عايزين طول الوقت يكسروا اللي حوليهم، خليك بطل بذاتك عايز تحقق حلم أو هدف، عايز الناس تبصلك بفخر ويقولوا الواد ده بألف راجل….!

خطى وأمشي واتكعبل واتشنكل كمان يا عم بس بينك وبين نفسك إصرار تكمل وفي نهاية الطريق هتلاقي الف ايدك بتصقفلك وأنا أولهم يا بطل….!

قد يعجبك ايضا