اقترب موعد كسر قلوبنا وفاه جدى الحبيب

كتب محمد حمدى

اقترب موعد زلزال ودمار وخفقان قلوبنا اقترب موعد اصعب اللحظات الا وهى ذكرى ٢٧ رمضان ذكرى بل ذكريات وفاه مربينا وساكن قلوبنا جدى الحبيب الذى افتخر بأننى حفيده لابنه الكبير وافتخر أن جدى نطق اسم والدى وهو فى سكرات الموت لن انسى اللحظات التى توفى فيها جدى وكان قبلها طلب يشرب لبن وقبلها كان شارب عصير رمان عزيزى القاري يشرفنى ان أسرد لك لحظات وفاه جدى الذى كان حافظا كتاب الله وأحاديث سيدنا محمد صلى الله عليه وسلم وكان محافظا على الصلاة فى أوقاتها أتذكر انه كان يتوضأ فى عز الشتاء بمياة لا يستطيع انسان تحملها من شدة السقعان ومع ذلك كان يفتخر ويقول ثوابها عظيم جدى ترك لنا سمعته الطيبه جدى لن يكرره الزمن جدى كان مدرسه بل جامعه تتمثل فى كليه للعلم وكليه فى الاحترام وكليه فى الإخلاص والطيبه والتدين وكليه اهتمامه بالفقراء

جدى كان هيبه جدى عمرة ما نطق كلمه عيبه جدى كلامه كان موزون بالجرام زى الدهب جدى كان شهم واوع تقولى فلان شبه بطوله وعرضه لا يافندم جدى مات ومحدش شبهه جدى ملوش مثيل وانا عارف كده لانى قضيت عمرة كله معاه ولا يمكن يوم انساه

جدى ابويا ورث منه الكرم والطيبه وعزة النفس والاهتمام بالفقراء كنت اقوله ياجدى روحك متعلقه بابويا جدا قالى يابنى انا خلفت ابوك بعد ١٣سنه

إهداء هذه كلمات لجدى نسأل الله أن يرحم جدى الحبيب ويدخلك جناته

انا جدى مات بركتنا مات وسابنى اتعذب وسط الذكريات.

كان نور عنيا وكان حبيبى وعمرى كله ولا خطى خطوة فى دنيتى من غير ماقوله

ع طول يجبلى اى شي يخطر فى بالى كنت اما بتعب كان بيتعب بدا لى

كان اما ابويا يتعب كان هو أول ايد تشيل عنه الآهات

كان جوه قلبك حب وحنانك كتير وفتحت بيتك للصغير والكبير كان حضنه بيت وكان مجمع شملنا ياما حس بيا قبل حتى ماحس انا بعد اما راح مبقتش حاسس بانتصار

ياكسرة قلبى من بعدك

يا ظهرى ال انحنى فى بعدك

شبعت من الحياة ياجدى

ومنى وسبتها لوحدك

وجالك قلب متخدنيش

ياجدى ياقلب ربانى

خلاص الدنيا كرهانى

بحسك كنت مش عامل حساب الدنيا بالكامل

وعمرى مكنت بتنازل

وعمرى مكنت من الخايفين

عشان عارف انا حفيد مين

الحاج محمد أمين

يااقرب حد كان ليا يا قلب كبير قطع فيا

انا تايه ومتلخبط فى دنيا حاسسها موش هى

غابت شمس عمرى من يوم ما غبت عنى

وانا ببكى غصب عنى الوحدة عذاب ونار

دايما حاسس وجوده دا حتى صوته انا موووش ناسيه وفى كل مكان بروحوا بحس روحوا معايا فيه ايوة غايب بس فيا حبى ليه بيزيد بقوة كل لحظة تفوت عليا لسه بشوفوا هو كل مادة وكل حاجه كل حاجه حسسها منه

مبقتش احس فى بعده حاجه ولا عارف اعيش انا من غيرك بموت وحياتى من بعدك مفيش على طول شايفك قصادى رغم انك موش معايا صورتك ع طول فى عينى وفى كل الزوايا.

شدوا انتباه لافخم رجال الترزيه

دا حفيده من ضمن المهنه الصحفيه

جدى مكنش واجب كده بيفوتك ادفع حياتك واسمع صوتك

بركان مولع فى قلوبنا من يوم ماقولنا خبر موووتك

من الفراق تاهت افكارى وفى قلبى مش عارف ادارى كل ماقف قدام صورتك جوايا بتشعلل نارى

الحزن ياجدى مكتفنى مليش غيرك وانت عارفنى

بنفذ كلامك مع الغلابه انا موش هقول انت شايفنى

ياجدى طولت فى غيبتك

طمنى على اخويا وعمتى احلام حبيبتك

اختى حبيبك انا موش هسيبك ابوك موجود واطمنى وصانى عليكى جدك حبيبك

ارضى بنصيبى ونصيبك

جدك كان صافى النيه

وكل الصحف أعلنت وفاته انه صاحب الحنيه

المولى كافءه معزبهوش وزمانه عايش فى الجنة

كل البشر بيقولوا عليه انه وزير الحنيه

الدنيا من بعدك فاضيه

وفاتك كانت الضربه القاضيه

معرفتش ان انا وحدانى غير اما راح نصفى التانى

…………………………….

عزيزى القاري برجاء الدعاء وقراءة الفاتحه على روح جدى الحبيب رحمه الله عليه

وربنا يجعل الرسول صلى الله عليه وسلم شفيعا لنا وله