نافذتك على الأخبار العالمية والمحلية

اتغيرنا

36

اتغيرنا

اتغيرنا لما الميه لونها اتعكر
والناس حالها اتكدر
والنفوس شالت
والقلب صبح متحجر
اتغيرنا لما شوفنا الوجع
واتهد فينا الجدع
والكل ساب ايده
ومعدتش فينا النفع
ولما الخير عنا اتقطع
وعيشنا في قلق وفزع
وعيوننا فضلت صاحية
والنوم عنا اتمنع
اتغيرنا واتبدلت أحوالنا
لما اتلهينا عن إللي خلقنا
و توهنا في فتن الدنيا
واتبهدلت أخلاقنا
اتغيرنا وبهتت وشوشنا
لما اندفنت مبادئنا
واتشقلب الميزان
وزادت جروحنا
وقل خير زمان
وقلت أفعالنا وكتر الكلام
ومعدتش فينا الأمان
نصبنا للمنطق الصوان
وبقى صاحب الحق يدان
واللي مالوش حق يصان
بعينا الصح ببلاش
واتحجز العقل في الإنعاش
وصبحت حياتنا جنان في جنان
والسفيه مابينا بيتقاله عاش

 

#نظرية_الياسمين
#رسايل_مع_ياسمين_حافظ

قد يعجبك ايضا