نافذتك على الأخبار العالمية والمحلية

ابنك هوكنزك

44

#ابنك_هو_كنزك

 

كتبت عالية الشيمي

 

متسمحيش لابنك يتجاوز ويمد ايده عليكي ولا يشتمك لو سمحتي بالمهزله دي يبقي هيكبر يديكي بالجزمه ومتلوميش الا نفسك ابنك لو استهيفك او استضعفك خلصت هيطلع عديم الربايه ومش هيبقالك حكم عليه خالص ولا هيتقبل منك اي توجيه اصلا مهو مستهيفك توجيه ايه ولا نصيحه ايه اللي هيسمعها انسي خلاص كده عياره فلت وزمامه فلت من ايدك …

بتفوتي وتقولي عيل صغير وبكره يكبر ويفهم لا معلش انسي بكره هيبقي زي امبارح واول واللي سمحتي بيه عشان عيل ده اصلا عمرك ما بتحسي انك ابنك بيكبر حتي لو بقي راجل بشنب وهتفضلي طول عمرك تبرريله لحد ما يكبر بالفعل ويجيبك من شعرك انتي ومراته مهي دي تربيتك حضرتك اشربي بقي 😬😬😬 وهتشرب المسكينه اللي هتتجوزه وهتدعي عليكي …كفيانا دلع مرئ كفيانا استهتار واستسلام وفشل انتوا كده مبتربوش انتوا كده بتهرجوا 😡

الحزم اساس التربيه والعقاب هوه الرادع وعدم تلبيه طلبات الاطفال وقت الخصام اساسي فيما عدا الاكل والشرب من البيت مش دليڤري ( عشان الدليڤري ده مكافأه ) وكذلك فيما عدا سندوتشات المدرسه والمصروف دول بياخدهم طبعا سواء كان متعاقب او لاء عشان الحرمان من الحاجات دي غلط جدا بيوصل الطفل للسرقه والتقل في الصلح بيخلي الطفل يفكر الف مره قبل ما يغلط وعدم التهاون في الغلط واعاقب مره واطنش مره ده مش صح لو طنشت بيتمادوا والتوجيه اهم من كل ده مينفعش اسكوت علي غلط وافوته ولا ينفع ابرر لابني واقول اصله عصبي لا معلش مفيش حاجه اسمها اصله عصبي هقولهالك تاني دي اسمها عدم رباااايه 😡😡😡

قد يعجبك ايضا