أشلاء

قصيدة/ #أشلاء#
شعر /جيهان النجار
==============
مش عارفه مالي متبعتره
جوايا منهج أسئله ؟؟
دماغى ليه متحوله!!

بيقولو انه بهدله
قررت احل المعضله
الغي الظروف
لخصت كل الاحتياج
ف تلات حروف

شفت العيوب ميت الف ميزا
عشقت زهد عاشق غريزه
حاصر الحياه
بغرق وطالبه طوق نجاه

وقعت ف بحر من الغرام
خفت الحرام
لبستني طفله ف الزحمه خايفه
وف الهدوء ترقص ف حفله
وف المنام حالة شجن
لعمر اتسجن

محروقه من صهد البرود
مرعوبه من نقد العهود
ف مرايتي جثه هامده
واكلها دود
جوايا كود
أربع حروف متحركه
رقبتي تحت المطرقه
جلدي شقوق ٠٠سامع شادوف
جوايا س و ج و ن
جوايا خوف ٠

شاهد أيضاً

جيهان النجار والعزف المنفرد

جيهان النجار والعزف المنفرد كتب على العشرى نادى الادب بقصر ثقافة دكرنس بقيادة صاحبة الابداع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *